Pantun Banjar

Imbah makan warangan meriga

parut mamulas terasa sakit

kada maraju urang dihiga

ilmu mamujuk di dalam pakit

Mamasang jabak awan panglima

jabak ditukar di nagari Pirak

tampat basurah Banjar sadunia

kulaan nang jauh asaan parak

Kakuppu tarabang hinggap di dahan

paruna halarnya ditangkap jangan

utoh kidong suka bagayaan

sunyaan kulaan takurihingan

Urang bujang bagawi siang

urang kawin bagawi siang malam

Urang bujang basaung hayam

urang kawin basaung malam

Urang bujang guring surangan

urang kawin guring bagampiran

Apa habar bayan manari

katutut bajalan malam

apa habar datang kamari

manuntut janji samalam

Katutut burung katutut

katutut basaung buntut

amun ada juduh manuntut

urang tuha bisa mamatut