Enjoyscrap.com Get ISLAMIC-Graphics


Jahit

Di suatu pagi yang pina muru.. dua laki bini Urang Asli baampah ka Kalinik. Yang bini tangah sarat batianan manunggu ari banarai lagi. Nia pacang anak panambaian pang.


Nang laki bangaran Bah Sumpit bininya bangaran Minah Cumil (ngaran tapuga hudah).

Kutika kapanatan bajalan tutih.. babaya sampai dimuha lawang kalinik basadinan mamuntal mamulilit kasakitan parut si Minah cumil mananda'akan sampai ham sudah masanya. Badadas misi manalipon Huspital mainta kurita Embiulan.

Di handap'akan kisah tutih.. Sampai di huspital.. si Minah Cumil diandak atas tandu batayar tarus ditunjul ka wadah baranak. Nang laki Bah Sumpit kada dibariakan masuk. Bagana diluar hinggan lawang haja. Kada'ah lawas bangat maka salamat si Minah tutih mambaranak'akan anak lalaki nang pina ganal juha pangawak. Bah Sumpit badadas manunjul lawang balaluan mangunyur baampah kaparabahan Minah. Duktur manahan Bah Sumpit manyuruh'akan kaluar dahulu. Ujar Duktur gawiannya balum talah lagi.

Duktur Aiman: "Kaya inih.. anak ikam tutih talalu ganal pangawaknya.. jadi rabitnya 'anu' bini ikam panjang juha malaran. Kami tapaksa manjahit satumat"

Bah Sumpit: (Pucat muha) "Duktur.. kada kawakah di hija'akan sampai baik surang" !!

Duktur Aiman: "Ninto gawian kami.. ikam jin bagana di luar.. jangan ma a'aur"

Bah Sumpit baundur burit sampai takaluar. Badiri dimuha lawang sambil maniring kadalam (lawang kaca). Muha pucat.. tangan asa dingin. Masa baugah saminit hudah. Bah Sumpit sasain kada mangaruan.. bajalan bakawat kahulu kahilir. gagaliur intang muha lawang. Mata aur mangilar ampah kawadah nang bini kana
jahit tutih.


Paluh kaluar hudah sabigi sabigi.. garabakan.. pikiran aur taampah ka 'anu' nang bini tupang.

Parak malima minit kada juha ruhui duktur tutih.. Bah Sumpit hudah kada tahan lagi balaluan manunjul lawang mangunyur mamaraki duktur mangawil intang burit.

Duktur Aiman: (takajut) "Hiss napa garang ikam nia Sumpit.."

Bah Sumpit: (sambil mangasat paluh di dahi) "Ulun mainta tulung bangat-bangat nih Duktur'ai" !!

Duktur Aiman: "Ayuha disambat.. napanya ikam maka pina kahantuan" !!

Bah Sumpit: (sambil maingkuti tangan duktur) "Ulun inta tulung jangan dijahit samua'an .. tinggali luangnya saikit hagan Ulun" jar.

Oleh: Dandan Setia


Tiada ulasan:

Catat Ulasan