SUINGGGG!!!!!SUINGGGG!!!!!SUINGGGG!!!!

Kisah ni di caritakan uleh paksuku,halam kira-kira 40 tahun hulu si utoh ni sampailah masanya mancari juduh...ba padah ka kawitannya...

"Uma...carikanlah ako juduh maram hak bibinian di kampung neh yg anom-anom,supan taga bisaan bamasak....ako neh katuju makan mak ii..."

"Abahmo...ayuhak kita carikan bini hagan utoh neh....ako ni ada dipadahkan urang ank si limah tapai tu parunah jah...anom bisaan bamasak,saing banar,lantihan gawian....takoni hak kawitannya bahmo ii...."

Salang sabulan...baarohanlah si utoh wan si diang anak limah tapai toh...utoh basukur nar karna juduh carian kawitannya toh manapati saliranya...paruna,anom,supan...hehehe maklomlah pangantin hanyar jar...kaisokan arinya...malo-malo si diang neh...susubuhan dah bangun....bakuboi bakuciakan wan utoh..bah arainya pang pangantin...imbah tu si diang pon mamulakan tugasnya malakat api,manjarang banyu,maulah makanan hagan laki dan kaluarga mintuha..arailah kawitan utoh manireng saingnya mananto hanyar neh...papagian dimasaki limpeng nior,diulahakan ayer kupih,...arom kupih sampai ka amben...

Sampai tangahari..si ayah neh batakon ka diang...

"Ooo yang...abah handak tulak ka pakan neh....napa lauk hagan masak tangahari?"

Si diang ni rupanya ada kapinginannya taga handak palihara supan tuh jadi di diamkan hajak...

Padah inya ka mintuha tu..."Kada apalah ayahai...barang haja lauk napa pon kina kumasaki lah..."

Parak jam 12,buliklah si ayah neh...si diang pon mahungkar kampil tukaran ayahnya tuh...hann napa..!!!!...talihatlah si diang barang kapinginanya tuh...macam taho-taho ja mintuhanya tuh...arai banar si diang mahungkar kampil baiisi siput sadut...baangan-angan inyak mmm... nyamannya ulah sasangan kambuh kaladi...ditirengnya kaladi mintuhanya ganal-ganal kaya batisnya...manciur ilat si diang...

Sambil manyiang siput sadut tuh,si diang baasa supan pulang kiapa kina mun inya manyadut siput tuh....tanto kina disambati kalurga mintuhanya buruk nar kalako manantonya...si diang ni mon manyadut siput tuh kada maho bahimat-himat ilonnya adusss...minik kapala si diang mamikrkan kiapa inya handak manghantos siput tuh tanpa ditireng kaluarga mintuhanya....  

Sampai waktu makan,si diang ni bahidang la...ancapnya si ayah,uma wan lakinya ni manghantos siput sadut tuh..sidiang kirip2 mata manireng manahan nafsunya..

Basurah si ayah.."Napa diang balauk wadik haja...kada digatuk sasangan siput neh...''

Si diang dangan pantas pon menjawap..."Kada katuju yah hai siput tuh..tuhuk nak manyadut.."



 

Sedapnye.....

Si ayah ni pon taros mahantos wan laki sidiang sampai talah sapinggan bujungan siput tuh...

Tiba waktu malam...si diang kada hingkat guring...sumat baalih ka kiwa..sumat baalih kakiri...dlm kapalanya kaganangan lauk siput tadi yang dipatak nya samangkok di dalam guri ganal pinjung dapuran.....kada hingkat ditahan nafsunya...si diang bangun manuju kadapur...juuk-juuk inya bakakat takotan didangari lakinya wan mituhanya...

Sampai di higa guri diang pon baakal masuk bahinip ka dalam guri tuh lalo inya manyadut siput tadi dangan lahapnya...sakali manyadut...SUINGGGG!!!!!bagamat ilonnya sarumahanan kada hingkat guring...SUINGGGG!!! SUINGGGGG!!!! nyaring banar ilon madaik pang dalam guri...bangunan mintuhanya mancari manakah datang ilon SUINGGG!!!! tu tadih...si diang neh dah ralit banar sampai kada kadangaran urang rumahnya gamat mancarinya...bila tapasang lampu...si diang pon takirip-kirip matanya sambil takuriheng mamagang mangkuk baiisi siput sadut yg dah talah di hiutnya...  


Kasimpulannya :...jadilah diri sendiri,janganlah hipokrit


Dipetik dari http://mypbm.forumotion.com.



Versi Bahasa Melayu